عايزة ابنك يحب الصلاة وما يسيبهاش مهما حصل؟تعالى اقوللك فكرتى

عايزة ابنك يحب الصلاة وما يسيبهاش مهما حصل؟تعالى اقوللك فكرتى

عزيزاتى اخواتى فى الله
السلام عليكم ورحمة الله وبركاته

انا فى البداية عايزة اقول لكم ان سبب تفكيرى فى الحل
ده لمشكلة كتير مننا فى تعويد ابنه او بنته وهى مشكلة تعويده على الصلاة
لان البنى آدم يا جماعة لو ما اترباش على حب الصلاة واتعود عليها وبقت جزء
اساسى من تكوينه ممكن بعد كدة يكسل عنها فعلشان كدة هى دى فكرتى

خدى ابنك او بنتك وانزلوا اى مكتبة وقوليله هنشترى حاجات نلعب بيها لعبة حلوة اوى
واشترى كرتون او روق رسم ومقص وألوان نوعها كويس كدة او اللى بيحبها ابنك
وممكن قص ولزق او اى ابتكار او فكرة تحبى تزوديها وروحوا البيت قعديه جنبك
وخليه يناولك وقوليله احنا هنعمل شجرة الصلاة
وفعلا ارسمى
شجرة حجمها معقول مش صغيرة و لونى الجذع يعنى الساق بتاعها ده باللون
البنى وطلعى منها 30 فرع كل فرع فيه 5 ورقات اللى هما طبعا الخمس صلوات
وال30 يوم اللى هما الشهر وممكن تجربى فى اسبوع او زى ما انتى عايزة
وتقوليله كل صلاة هتصليها فى ميعادها هتلون انت بنفسك ورقتها بالاخضر ولو
عايزاه يعمل اى حاجة تانية زى مثلا دعاء كدة حلو وسهل الصبح او يقول اى
اذكار خفيفة ترسميله تفاح وبرضو لما يقول الورد الصغنون ده يلون هو
التفاحة بنفسه وحمسيه بقى قوليله شايف انا نفسى الشجرة دى تبقى حلوة مفيش
ولا ورقة فيها تبقى فاضية علشان نعلقها فى اوضتك وكل الناس تفرح بيك وبابى
يشوفها ويجيبلك هدية حلوة كدة ابنك او بنتك هيفرحوا انهم بيعملوا حاجة
حلوة وانتى بتقعدى معاهم 5 مرات ترسموا وتلونوا وده نوع من الترفيه كل
الاطفال بتحبه وكمان هيحبوا يحافظوا على الصلاة حتى لو بنية تانية بس معلش
ما هم اطفال واحنا عايزين نعودهم
وان شاء الله ربنا يرزقنا كللللنا بذرية صالحة تتقى الله وتحفظ فروضه عايزة ابنك يحب الصلاة وما يسيبهاش مهما حصل؟تعالى اقوللك فكرتى SCh_christianpray3

عايزة ابنك يحب الصلاة وما يسيبهاش مهما حصل؟تعالى اقوللك فكرتى SCh_christianpray3

:
معلش طولت عليكم بس نفسى تستفيدوا بجد
بحبكم فى الله

» عايزة سنفرة لوشك تعاليلي
» عايزة شفايفك تبقى زى انجلينا جولى
» نحو فهم صحيح لقوله تعالى(ان كيدكن عظيم)