ايش يساوى العريس اول ما يدخل على زوجته

السلام عليكم

وش يسوي العريس اول مايدخل على زوجته موقف مضحك

والاجمل يوم تصير البسمة مقرونة بفايدة ..

ماني مطول!!

اول حاجة ابعطيكم درس مجاني "" للعزابية والخاطبين ""

درس في ايش تسوي اول ما تدخل على زوجتك ..

كثير من الشباب ما يدرون انه فيه سنن تستحب في تلك الليلة عن النبي

اللهم صل وسلم عليه وبعضها عن سلفنا الصالح ..

السنن ثلاث ..
1- السلام
2 - صلاة ركعتين ..
3 - وضع اليد على ناصية الزوجة " جبهتها " وقول الدعاء المعروف
[ اللهم اني اسألك خيرها وخير ما جُبلت عليه واعوذ بك من شرها وشر ما جُبلت عليه]بس تقوله بصوت منخفض مو تصرخ في وجه عروستك تخرعها (والله من الدفاشه)

هالامور يتساهل فيها بعضنا وما يدرون انها سر من اسرار التوفيق في الحياة الزوجية ..

ونصيحة خلك طبيعي ولا تتحمس زيادة وانت تطبقها عشان ما يصير لك زي ما صارلصاحبنا هذا

تبون تعرفون اخونا وش صار له ؟؟

ابشروا

هذا واحد ليلة زواجه دخل على زوجته متحمس يبي يطبق السنة ..

دخل وسلم عالبنت

البنت مستحية ومنزله راسها ما ردت !!

سلام عليكم !!

ما ردت ؟؟

سلام !!

ما ردت ؟؟

قال في نفسه : اطبق السنة الثانية !!

راح لزاوية في الغرفة وكبّر !!

الله اكبر ..

ضحكت البنت ضحكة خفيفة !!

هو سمع الضحكة .. الرجال ما كذّب خبر .. على طول قطع صلاته وجاها ..

سلام عليكم !!

نزلت راسها البنت ؟؟

ردي يا عمري

سلام عليكم ..

ما ردت !!

قال في نفسه : اروح اصلي وارجع اوريها

راح لنفس الزاوية وكبّر !!

الله اكبر ..

ضحكت البنت مرة ثانية !!

قطع صلاته وجاها وهو معصب "" حمقان ""

يا بنت شفيك انتي ؟؟

تتمسخري فيني ؟؟

تستهزي ؟؟

ماني عاجبك ؟؟

اذا ما تبغيني قولي

ارجعك لاهلك الحين !!

رفعت البنت راسها وقالت بكل هدوء ..

يا حبيبي ..

انا راضية فيك كزوج ..

لكن الله يحييك ..

تراك مضيع .. القبلة من هنا ماهي من هناك...

هههههههههههههههههههههههاي

وربي احراااااااااااااااااج

عسى مايصير لكم نفس الموقف
قولوووا آميييييييين