¤؛°`°؛¤ّ,¸¸,ّ¤؛ منتديات البنات و بس ؛¤ّ,¸¸,ّ¤؛°`°؛¤

¤؛°`°؛¤ّ,¸¸,ّ¤؛ منتديات البنات و بس ؛¤ّ,¸¸,ّ¤؛°`°؛¤

(¯`•.¸¸.•´¯`•.¸¸.->كل ما يخص البنوتات<-.¸¸.•´¯`•.¸¸.•´¯)
 
الرئيسيةالحياةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اسرار الجمال لكل بنت ...................نانيس سليم

اذهب الى الأسفل 
كاتب الموضوعرسالة
sara
المديرة
المديرة
avatar

عدد المساهمات : 312
تاريخ التسجيل : 11/10/2009
العمر : 32
الموقع : www.girlonly.ahlamontada.net

مُساهمةموضوع: اسرار الجمال لكل بنت ...................نانيس سليم   الأحد أكتوبر 18, 2009 6:48 am


"نانيس سليم" تكشف عن أسرار الجمال لكل البنات
ذاكري واسهري "نانيس" هتقول لحضرتك الحل
مكياج فى عشر دقائق لأحلى بنت رايحة الجامعة
دعوة من "نانيس" لتحبي نفسك أكتر وتبصي في المراية أكتر وأكتر
لازم نتخلى عن ثقافة البهدلة



ازاي نختار مكياج خفيف ونضعه بشكل صحيح وخاصة لو كانت البنت مستعجلة أو الوقت ضيق بسبب الامتحانات؟
عندي نصيحة مش هتاخد وقت أبداً
وبسرعة أول ما تصحى من النوم، ضعي قطعة "ثلج" في منديل ونمررها على البشرة
لمدة خمس دقائق بطريقة دائرية عشان تعمل انتعاشة للوجه وتزيل آثار الإرهاق
وقلة النوم من الوجه وتحت العين وخاصة إذا كانت منتفخة بسبب السهر.


تجفف بشرتها بلطف وتضع مكياجا خفيفا جداً "لايت" عبارة عن كريم أساس خفيف جداً توزعه بالسفنجة الخاصة.

وتركز في وضع الـConcealer
تحت العين ثم تضع بودرة تحت العين فقط ولا أنصح بوضع بودرة على الوجه
كاملا في الصباح… وبفرشاة كبيرة تزيل أية زيادة موجودة للبودرة في الوجه،
تسرح الحواجب بفرشاة الحواجب وتضع مسكرة وممكن بقلم خفيف تحدد العين من
الداخل، تستخدم قلم فاتح لو لون العين فاتح أو اللون غامق من الأفضل لون
أسود فهو يعطي عمقا وإبهارا أكثر للعين.. لو هتلبس عدسات ملونة تسخدم قلم
فاتح جوه العين.


بالنسبة للخدود
تستخدم Blusher أحمر خدود خفيف برونزي أو بني ولا أفضل اللون الروز وخاصة
مع البشرة السمراء أو الخمرية.. كمان اللون الروز لافت للنظر ولا يليق مع
أغلب ألوان البشرة.


طريقة وضع أحمر الخدود بطريقة صحيحة..
التركيز يبدأ من الأذن وحتى الأنف وبطريقة خفيفة تمر الفرشاة على الجبهة والذقن.

ويبقى الروج..
فعلاً تستخدم المحجبة لون خفيف غير
لامع ويوضع على الشفاه بدون تحديد، وغير المحجبة ممكن تضع Lip gloss لونه
أيضاً خفيف… وده أنسب makeup للصباح ويعطي للوجه نضارة وغير لافت أبداً
ولا يستغرق سوى عشر دقائق فقط.


أحيانا كريم الأساس يفسد شكل المكياج ويظهر عيوب البشرة أكثر فهل سبب ذلك نوع الكريم أو أن اللون غير مناسب؟
لو لون البشرة "خمري" فنبعد عن اللون الفاتح ونبحث درجة قريبة من لون البشرة، وهناك أنواع جيدة سعرها معقول مثل Amanda
وهي نوعية مناسبة جداً لفترة الصباح في الجامعة ودرجة كثافة الكريم معتدلة
وعلى فكرة ممكن البنت تشتري أدوات مش غالية في كل حاجة لكن في كريم الأساس
والبودرة تبتعد عن الأنواع الرخيصة جداً لأنها غير مضمونة ورديئة وشكلها
سيئ على الوجه وهي الأساس في المكياج.


المكياج السليم بيعتمد على كريم أساس له درجة مناسبة موزع جداً وعلى بودرة شفافة عشان يكون لون الوجه بدرجة واحدة.

ونصيحتي إن البشرة الخمرية تستخدم
كريم أساس "بيج" والبشرة الفاتحة اللون "الروز" ومن المفضل أن تكون درجة
كريم الأساس في البشرة الفاتحة أغمق درجة.. القاعدة البسيطة جداً هي:
البشرة الفاتحة تحتاج "الروز" بدرجاته و"التركواز" والبشرة "الخمرية"
تحناج "البني" بدرجاته و"الذهبي" و"الأحمر" و"البرتقالي". والنصيحة
الذهبية امزجي الكريم الفاتح مع الغامق للحصول على لون قريب من البشرة.


هل فيه طريقة لإخفاء الشعر الزائد في الحواجب وخاصة أن الوقت قد لا يسمح لتهذيب شكلهم في وقت الامتحانات؟
لو البنت مستعجلة وحواجبها محتاجة
تنظيف ممكن وهي بتضع المكياج تركز بكريم الأساس على منطقة تحت الحاجب
بكمية أكثر شوية من باقي الوجه أو بمعنى آخر تحدد شكل الحاجب بالكريم، ثم
نضع بالبودرة وبالفرشاة الكبيرة تمر على الحواجب، على الفور لن تشعر بوجود
مشكلة أبدًا ولإتقان إخفاء الشعر الزائد تستخدم فرشاة مبططة وتضع eye
shadow فاتح تحت الحاجب وبعد كده ترسم الحواجب بقلم بني فاتح.


هل فيه دورة زمنية لإزالة شعر الوجه وتنظيف الحواجب وهل استخدام طريقة التشقير أفضل للتعامل مع شعر الوجه؟
طبعاً ومن المفضل تثبيت الفترة ولو ظهر الشعر قبل المدة نخفي الشعر الزائد بالمكياج زي ما قلت قبل كده..

من المفيد قبل التنظيف وضع كريم
مرطب على الحواجب والأماكن الأخرى في الوجه لمدة عشر دقائق قبل استخدام
الملقاط أو "الفتلة" وده عشان الجلد يكون طري لتجنب إحداث جروح في الوجه.


الملقاط للحواجب والفتلة للوجه وعدم
استخدام "السويت" مطلقاً على الوجه لأنها فعلاً خطر أما بالنسبة للتشقير
فهو أفضل من "الفتلة" في الوجه وخاصة في الرقبة وجانبي الوجه الآن.. وفي
مصر نوع سعره بسيط اسمه "جوليفا"
لتشقير الوجه بطريقة آمنة وموجود في الصيدليات وسعره لا يتجاوز "8 جنيهات"
ولا أنصح بوضعه على الحواجب أو على الفم لأنها منطقة حساسة جداً وممكن
يظهر فيها حبوب بسبب كريم التشقير.



نصيحتك لترطيب الجسم في الشتاء؟
أنصح كل البنات باستخدام زيت "جونسون للأطفال" وخاصة بعد الحمام كثرة استخدامه تجعل ملمس البشرة مثل بشرة الأطفال ودائماً استخدامه على اليدين والكعب.

ولجفاف اليدين والكعبين في الشتاء
ضعي كريما على الكعب وعلى اليد والبسي شراب وقفاز عند النوم، كلها حاجات
بسيطة ولكن بتعمل فرق واضح حتى لو إنت قاعدة في البيت.


تنظيف الوجه في مراكز التجميل مكلف جداً ازاي البنت تعمل ماسك للوجه في البيت غير مكلف ويحقق نتيجة في نفس الوقت؟
ماسك الخميرة رائع ومفيد جداً وطريقته بسيطة.

تذوب
معلقة خميرة في معلقة كبيرة ماء ثم أضيفي معلقة عسل ومعلقة دقيق وتخلط كل
المكونات لحد ما تكون زي العجينة في السمك.. افرديها على الوجه ما عدا
طبعاً منطقة العين والشفاه واتركي الماسك لمدة عشرين دقيقة وبعدها اشطفي
الوجه بماء دافئ… وتأكدي إن النتيجة مذهلة.. ماسك الخميرة بينظف البشرة
ويفتح لونها ويضفي عليها نضارة… أنصح بالماسك مرة في الأسبوع.


ازاي نقدر نحافظ على المكياج طول النهار أو تعديله خارج البيت!
مهم جداً تكون الشنطة كبيرة شوية في
الجامعة عشان تقدر تحط فيها أدواتها الخاصة والأدوات عبارة عن علبة بودرة
صغيرة ومعها البدارة والمسكرة وفرشاة كبيرة أحمر الخدود "blusher" وقلم
كحل وlipgloss عشان تصلحي المكياج باستمرار مهم كمان يكون معاكِ فرشاة
أسنان ومعجون صغير عشان لو أكلت بره تنظفي أسنانك فوراً وتتمعي بابتسامة
جميلة وتقدري تضحكي براحتك..


من الحاجات المهمة أن يكون معاك
مناديل معطرة عشان تنظفي إيديك باستمرار من التراب وتحافظي على نعومتها
ورائحتها الجميلة كمان لازم يكون معاك زجاجة مزيل عرق صغيرة مش مهم تكون
من الأنواع الغالية بس تكون رائحتها خفيفة ومنعشة ودايما تحط مزيل عرق تحت
الملابس والإيشارب وفي اليد وبكده البنت تقدر تحافظ على شكلها ورائحتها
وانتعاشها طوال اليوم.


نصحيتك لتنظيف البشرة بعد يوم طويل ومرهق؟
حاجات بسيطة ممكن نعملها عشان نشعر بالاسترخاء ونخفف من الإرهاق ونستعيد نشاطنا بسرعة ونكون في حالة نفسية أفضل..

أول ما تدخلي البيت رتبي بسرعة أي
حاجة مش في مكانها واخلعي ملابسك وعلقيها في الدولاب عشان تتفرغي لنفسك
تماماً لمدة ربع ساعة مش أكثر ولازم نحافظ على الوقت ده لنفسنا دايماً
عشان احنا على طول بننسى نفسنا.. لازم تحبي نفسك شوية وتهتمي وتبصي في
المراية. خلّي مراية جنب الباب قبل ما تخرجي تبصي فيها ولما ترجعي كمان
تتعودي تشوفي نفسك مبسوطة ولو حسيتِ إنك مرهقة لازم تسترخي وتستعيدي
الانتعاش والطاقة عشان كده مهم جداً الحمام بعد يوم مرهق وشاق.


عندي ليك شوية نصائح صغيرة ولكن نتائجها مبهرة جداً رشي برفان على الدش وهو سخن والمياه بتطلع "بخار" وتاخدي حمامك الساخن مستخدمة رغوة الاستحمام المفضلة لديك أو الجيل الخاص بك وبعد الانتهاء خدي دش بارد وبعدها دش سخن بالتبادل وبسرعة الحركة دي هتعيد الحيوية والنشاط لذهنك وتغذي العقل.. كمان المياه الباردة مهمة للشعر وبتحافظ على لمعانه.. المياه الساخنة لوحدها تطفئ لمعان الشعر، جففي جسمك بلطف وضعي عليه زيت الأطفال جونسون
وضعي كريم الشعر المناسب ومشطي شعرك من تحت لفوق واربطيه لأعلى واتركي
الباقي ينسدل على ظهرك وخلي شعرك يتنفس بحرية وخاصة لو كنت محجبة.


ملاحظة إنك بتكلمينا من حاجات بسيطة
جداً أو بديهية ومع الأسف بننساها في حين ممكن تعمل فرق كبير في حياتنا..
خطوات لا تكلفنا شيئا..


المهم زي ما قلت تحبي نفسك عشان
تحبي زوجك وتحبي أولادك وكل من حولك.. مش لازم تشتري حاجات غالية.. حاجات
بسيطة ممكن تغير حياتك.. لو كنت متزوجة لازم تستعدي لاستقبال زوجك كل يوم
وإنت بشكل جديد.. ممكن تلبسي حلق كبير أو خاتم جديد أو تربطي إيشارب ملون
تحطي gel على شعرك وتعملي فورمة الغجرية.. دولابك أكيد مليان "بالهدوم"
المهم تعرفي تلبسي ازاي وتنسقي الألوان حسب لون بشرتك وشكل جسمك وليس معنى
وجود الأولاد أن تهملي في نفسك.. الاهتمام بالزوج بنفس أهمية الاهتمام
بالأولاد.. لازم نتخلص من ثقافة الإهمال التي أصبحت عنوانا للمرأة
المصرية.


والبنت لو كانت غير متزوجة تتعود على الاهتمام بنفسها عشان لما تروح بيت زوجها تفضل على عادتها واهتمامها بنظافتها وجمالها.

وأعتقد حتى لو لم تستخدم مكياج وتمسكت بقواعد النظافة الشخصية العادية هتكون أيضا جميلة ومميزة...

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://girlonly.ahlamontada.net
 
اسرار الجمال لكل بنت ...................نانيس سليم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
¤؛°`°؛¤ّ,¸¸,ّ¤؛ منتديات البنات و بس ؛¤ّ,¸¸,ّ¤؛°`°؛¤ :: ••.•´¯`•.•• (ازياء وموضة) ••.•´¯`•.•• :: ••.•´¯`•.•• (ميك اب بنوتات) ••.•´¯`•.••-
انتقل الى: